Birlashgan Millatlar Tashkiloti Bosh Assambleyasining 1992-yil 14-oktyabrdagi qarori bilan 3-dekabr Xalqaro nogironlar kuni, deb e’lon qilingan. Ushbu sana butun dunyo bo‘ylab keng nishonlanadi va bundan asosiy maqsad aqlan va jismonan nuqsoni bo‘lgan fuqarolarni har tomonlama qo‘llab-quvvatlashdan iborat.
Toshkent viloyati Yangiyo‘l shahar 22-sonli bolalar musiqa va san’at maktabi o‘quvchilari joriy yilning 2-dekabr kuni Xalqaro nogironlar kuni munosabati bilan Yangiyo‘l shahar 3-sonli maxsus maktabgacha ta’lim muassasasida bo‘lib o‘tgan tadbirda ishtirok etdilar. Tadbir bolajonlarga bir olam quvonch baxsh etdi.